SEMANA 27 ABRIL A 1 DE MAIO

Bos días a todos e todas!

Hoxe é o segundo día en que podedes facer exercicio e xogar a unha distancia de un km da casa. Aproveitade para usar as bicicletas, os patíns, o patinete ou o balón, pero lembrade que non podedes compartir xogos nin xoguetes con ninguén. PENSADE EN QUE TEMOS QUE SEGUIR MELLORANDO E NON VOLVER PARA ATRÁS. COIDÁDEVOS E TODOS ESTAREMOS BEN. Sei que é difícil aprender estas novas normas, pero ao mellor así podemos volver a xogar como antes. MOITO ÁNIMO.

Como só podedes saír unha hora ao día, imos seguir con actividades para facer na casa se queredes.

COREOGRAFÍAS PARA HOXE:

Hoxe imos traballar con dous vídeos.

O primeiro vídeo dura uns 21 minutos e componse de 9 cancións. Algunhas van ser moi coñecidads para ti. Non te fíes do título. Vai aprendendo os pasos e logo. segundo avances, trata de facer todo seguido. Título do vídeo:" Coreografías infantiles".

Vai agora unha pequena e alegre coreografía que ten de título as notas musicais. O grupo encargado do baile é "CantaJuego". clica neste título: "CantaJuego Do Re Mi".

UNHA TRADICIÓN MILENARIA







Millóns de persoas en todo o mundo practican series de exercicios dunha disciplina chinesa chamada Tai-Chi. Hoxe deixo para ti un vídeo para iniciarte neste deporte. Lembra levar o lombo dereito e prestar moita atención a facer os movementos a modo e a respirar profundamente. Fíxate como e cando respira a persoa que fai o vídeo. Toma o aire polo nariz e expúlsao pola boca. O vídeo titúlase "Top 10 Tai Chi Moves for Beginners". Practica estes movementos cada día ata que non teñas que esforzarte e che saian suaves e moi seguidos. Entón poderemos continuar.

SEMANA 20 A 24 ABRIL DE 2020

OGALLÁ TODO SIGA BEN NAS VOSAS CASAS. SEGUIDE COIDÁNDOVOS MOITO.


 CAPOEIRA

 Imos empezar hoxe cunha actividade que mestura música moi rítmica con movementos semellantes aos das artes marciais. Neste vídeo vas aprender os movementos máis importantes, feitos por nenos e nenas de diferentes idades. HOXE TOCA CAPOEIRA.

Agora vai un segundo vídeo en que vas poder disfrutar dunha coreografía de capoeira completa feita por un mestre. NON TENTES REPRODUCILA. Estes movementos necesitan ser aprendidos e practicados durante tempo baixo a supervisión dun especialista neste deporte.

Por último unha pequena demostración por parellas ao aire libre.


MINIGOLF

 QUE CHE PARECE SE XOGAMOS UN POUCO AO GOLF?

 Case calquera xogo ou deporte pode ser adaptado para xogar en calquera lugar e con calquera material que teñamos á man. CASE NADA PODE IMPEDIRNOS XOGAR E PASALO BEN.

                                     








Está claro que non imos facer buratos pola casa ou pola horta, entón, que utilizar?

Como paos de golf unha vara ou unha vasoira que estea un pouco destragada.
A nosa pelota pode ser calquera que teñamos de tamaño pequeno. En caso de que non teñamos unha pequena podemos utilizar unha pelota de goma ou un balón que non sexa duro, para que non pese moito.
Como "buratos" seguro que tés botellas baleira, pedras ou similar. Podes poñerlles números e ilas colocando por todas partes. Os números poden ser do 1 ao 9 ou 10. Sería suficiente.
Lembra que terás que ir dun  número ao outro co menor número de golpes posible. Non podes parar a pelota sobre a marcha. Tés que deixar que pare ela. Desde aí darás o seguinte golpe.

IMPORTANTE. NON XOGUES ONDE HAXA OBXECTOS QUE POIDAN ROMPER.

Vou facer tres propostas de construción de campos de minigolf. As dúas primeiras moi sinxelas, a terceira é de Bricomanía.

 Outra posibilidade é montar un circuito de minigolf con cartón e cola. Verás que sinxelo. Damos as grazas á "Cocina de Pilu". Despois coloca as pezas como ti queiras. Con elas e colocándoas de diferentes maneiras podes ter varios circuitos diferentes cada vez. Tampouco deixes de ver este outro AÍNDA MÁIS SIMPLE E SINXELO campo de minigolf, en pequeno espazo e con só un cartón ou unha esterilla apoiada nun extremo nunha pequena caixa de cartón. Facer tres buratos e listo.

Como curiosidade visualiza un vídeo dun programa moi coñecido no noso país que é "Bricomanía". Constrúen un campo de minigolf no xardín. Se alguén se atreve pode variar os materiais.

Por que non ves este vídeo en que xogan  expertos en minigolf. É impresionante.


COREOGRAFÍAS

 Non esquecín o noso recuncho de baile.Vou enlazar tres coreografías:

1. A primeira canción é outra versión de "Resistiré" feita por dúas mozas (GENTSANA). Creo que che vai gustar moito.

2. A segunda coreografía utiliza unha canción de Queen "Wi Will Rock You". É unha coreografía moi sinxela que creo podemos facer case todos e todas.

3. A terceira e última por hoxe é "D'ont Worry be Happy".  É unha coreografía alegre e simpática na que practican nenos e nenas dirixidos e dirixidas por un mestre.