NESTE MOMENTO, CASE RECÉN ENTRADO 2020, ESTAMOS PASANDO POR UN MOMENTO MOI COMPLICADO.
A NOSA FORMA DE AXUDAR É
QUEDAR NA CASA E SEGUIR TRABALLANDO, PARA CANDO A NOSA VIDA VOLVA Á NORMALIDADE.
Esta entrada que publico serve para momentos en que, como agora, non poidamos saír da casa.
Estar pechados e pechadas non quere dicir que non poidamos seguir estando en forma. Vou darche un montón de ideas para que poidas facer exercicio. Espero que che axuden:
1.
Baila, fai aeróbic ou zumba... Vai a este blogue á entrada "
A Moverse coa música". Alí vas ter propostas de varios tipos para ir comezando.
2. Posiblemente non teñas material para xogar a algún dos deportes que che vou propoñer (deportes de raqueta). Para os que non teñades algún dos materiais, escollede os deportes que non precisan cousas especiais. Imos entón.
NESTE BLOGUE HAI VARIAS ENTRADAS SOBRE CADA UN DOS DEPORTES QUE SOEMOS TRABALLAR NA ESCOLA. Para máis información de cada un podes ir a cada unha das entradas do blogue.
*
Adaptemos algúns dos
deportes que coñecemos un pouco ou practiquemos algunhas das técnicas que aprendemos e tamén outros que non practicamos, pero que podemos traballar igualmente:
-
Voleibol: Sabemos facer saque de seguridade. Sabemos golpear de antebrazos. Practiquemos entón.
Clica sobre a imaxe.
IMPORTANTE: xoga cunha pelota ou balón brando.
Clica na imaxe. Verás un vídeo con xogadas incribles.
* Se somos dúas persoas, podemos atar unha corda ou algo similar, para xogar sobre ela. Se non temos maneira de colocar nada, dá o mesmo. Podemos xogar sen "rede".
* Se non temos con quen xogar, posiblemente teñamos unha parede. Saca e devólvelle a pelota.
-
Fútbol:
Clica na imaxe. Verás 30 goles impresionantes da historia deste deporte.
* Se temos con quen xogar:
- Xogar a pases.
- Driblar e quitar o balón un/unha a outro/a.
- Tirar a gol. Un/unha fai de porteiro/a. As porterías son sinxelas de facer, xa o sabes. Colocas dous obxectos a unha distancia: pedras, botellas baleiras...
- Dar toques...
- Competir tratando de golpear algún obxecto.
* Se non temos compaña:
- Xogar a rebotes contra a parede.
- Tirar a gol a portería baleira.
- Dar toques...
- Practicar puntería contra un obxecto...
-
Bádminton:
Clica na imaxe da dereita para lembrar, cun pequeno vídeo os saques, golpes e movementos de pés.
Clica na imaxe e verás un vídeo con parte da final do Campionato de Europa de 2018 na que a nosa campiona Carolina Marín gañou.
* Se non temos con quen xogar:
- Facer pases, sen nada ou atando algo que nos sirva de rede.
- Xogar partidiños.
- Xogar a toques...
* Se somos só unha persoa é complicado. Podes xogar a pases.
-
Tenis de mesa:
Clica na imaxe para acceder a un vídeo titulado
"El mejor partido de tenis de mesa (ping pong) del mundo / The best game of table tennis (ping pong)".
Montar unha mesa para xogar non é moi difícil. Podes xogar sobre unha mesa desas que teñas de plástico ou colocar un taboleiro sobre dous caballetes. Se fas a segunda, tenta
non achegarte para non empurrala e ter un accidente.
* Se temos con quen xogar:
- Facer peloteo (pases).
- Xogar partidiños, anque non teñas liñas debuxadas. Perde quen non a poida devolver ao outro campo.
* Se somos un so podes poñer a mesa contra unha parede e tentar xogar a pases contra ela, con bote na mesa.
-
Baloncesto:
Clica na imaxe e terás unha explicación moi básica de como se xoga ao baloncesto.
Montar unha canastra, se non a temos pode ser sinxelo. Colgar un caldeiro ou calquera cousa semellante a un aro, a unha certa altura pode axudarnos a pasar un bo rato. Non precisas ter balón de baloncesto. Calquera pelota ou balón serve.
* Se temos con quen xogar:
- Pases diferentes: lembra que eran "de baseball, sobre a cabeza de gancho a unha man, sobre a cabeza a dúas mans, recto de peito a unha man e a dúas mans, picado a unha man e a dúas...)
Clica sobre a canastra de embaixo. Vas ver as 100 mellores xogadas da NBA.
- Partidiños de dous contra dous nunha canastra.
- Dribling con obxectos e contra o/a outro/a.
- Tiros a canastra.
- Bote.
* Se non temos con quen xogar:
- Tiros a canastra.
- Bote recto ou en zig-zag entre obxectos.
3. Os xogos de sempre.
Xogos populares e tradicionais.
Temos unha gran variedade. Como ocorre cos deportes, pode que algún non o poidas facer. Non te preocupes. Escolle calquera dos outros. Podemos xogar marcando debuxos ou liñas no chan, facendo buratos, usando lapis e papel, rodas vellas, chapas de refrescos, botellas de plástico, latas... O obxectivo é pasalo ben. Algúns esixen resistencia e forza, outros tan só habilidade.
*
A comba.
Pincha na imaxe e imos lembrar as cancións de sempre de comba e como se xoga.
* Para xogar un ou unha so/soa.
Calquera comba de 2 metros e medio ou tres,
como as que usamos no cole serve para xogar.
* Para xogar dous ou máis. Se non sodes máis de dous podedes atar a corda a unha árbore, columna, etc. A corda debe de ser o dobre da que dixemos antes.
Clica sobre esta outra imaxe para poder ver un fantástico vídeo do equipo de Hungría de Salto de Comba. Non o podes perder.
*
As bólas.
Pulsa sobre a imaxe das bólas. "Marcos" vai ensinarche a xogar ao Gua.
Clica despois sobre a imaxe do neno. Repasamos a forma de xogar e explícannos varios xogos.
Para xogar sí é preciso ter un sitio con terra. É moito máis fácil facer circuitos, figuras ou o gua.
*
O peón.
Este xogo non precisa case espacio para lanzalo:
- Podes sacar obxectos dun lugar, lanzándoo contra eles.
- Podes collelo na man...
Clica na imaxe . "Jesús" explicarache como lanzar.
Imos a gora clicar en
peón acrobático. Van explicarnos varias figuras que se poden facer con el.
*
As chapas.
Os circuitos podemos facelos
marcando a terra cun pao ou unha pedra. Se non temos terra e o chan é duro con algún cordel delgado.
Lembra colocar as chapas cos picos cara arriba.
A imaxe pertence ao Colexio
Carlos III de Aranjuez.
Clica na imaxe do circuito e podes ver unha partida.
Clica na imaxe das chapas e verás unha partida de fútbol chapas. Podes deseñar o teu propio campo para xogar.
*
Os birlos.
Non precisas acudir a unha boleira.
Podemos xogar cunha pelota e botellas de plástico que seguro temos na casa. Vai gardando algunhas para utilizar.
1.
Vídeo para facer bírlos 1.
2.
Vídeo para facer birlos 2.
Nota:
Nos dous vídeso utilizan botellas de plástico brancas e outros materiais que podemos non ter na casa. Así que o mellor é que coloques as botellas que teñas, anque sexa sen decorar. A idea é divertirse. Cando pase este momento xa podes facer outros como os dos vídeos se quixeras.
*
A goma ou elástico.
Podemos suxeitar a goma ás patas dunha cadeira, por exemplo, se non tivesemos con quen xogar.
Clica na imaxe para aprender o máis básico.
Clica sobre cada título. Podes ver tres xogos.
1.
Xogo elástico 1.
2.
Xogo elástico 2.
3.
Xogo elástico 3.
*
A mariola.
Pintar no chan, se temos ou pegando cinta de pintor,
ou cruzando
cordeis.
Podes fabricar a túa mariola, mais ou menos complicada.
Clica
AQUÍ e verás como unha amiga nos ensina a pintala e xogar.
*
Os dardos.
1. Se alguén tén un xogo de dardos, este é o momento de quitarlle o po e volver a xogar.
2. E que tal se cambiamos o xogo e debuxamos un mapa nun cartón, coas comunidades autónomas. En cada unha podemos debuxar algo. Se o dardo dá nesa parte do mapa, o que o consigue gaña, por exemplo comer o seu plato preferido, ver unha película que lle guste, xogar a algo, facer un debuxo... Déixovolo á vosa imaxinación. Aquí che deixo un par de ideas para fabricar dardos caseiros. Lembra pedir a axuda dun adulto nalgúns dos pasos:
Vídeo 1.
Vídeo 2.
Vídeo 3.
Vídeo 4.
Vídeo 5. Facemos unha diana. Só necesitas follas de colores, unha tixeira. Unha caixa de cartón e pegamento. Verás que fácil.
*
O Hula-hop
Canto podes aguantar? Proba e conta.
Clica na imaxe para aprender.
Para os máis expertos aquí van unha serie de trucos e movementos co aro.
Proba.
*
A petanca. Se algún de vós tén este xogo, a xogar nos días de sol.
Non precisas moito sitio.
Como dixen imos adaptarnos ao espazo que temos. Lembra que se non tés un lugar duns poucos metros sobre terra ou herba non podes xogar.
Se non temos petancas podemos coller area e encher globos. Deixo aquí un
titorial para fabricar pelotas con arroz e globos, pero podes utilizar perfectamente outro recheo, para non destragar a comida. Farás tres grandes, tamaño das de tenis máis ou menos e unha pequeniña, que pode ser unha "canica" ou fas unha máis pequeniña tamén con globos.
Clica na imaxe e verás xogar co material que che acabo de recomendar.
*
Xogos do aro con rodas. Non soemos ter o xogo do aro, polo que podemos cambiar por unha roda de bicicleta que sexa vella e un pao. No vídeo usan un pao moi pequeno. Usa un de 40 ou 50 se podes. Así non golpearás coas mans. Trata de facelo rodar. Se o consigues proba a ir rápido. Mira para estes nenos.
No vídeo que verás se
clicas na imaxe propoñennos más exercicios.
*
Papaventos:
Se tés un proba a facelo voar, se non o tés e che apetece podes tratar de fabricar un.
Vou deixarche varios vídeos para que fabriques un. Terás que pedir aos adultos axuda. O proceso necesita facer furados, cortes sobre madeiras, etc...
-
Vídeo 1.
-
Vídeo 2. Esta fana con canas e bolsa de lixo. É económico e voa perfectamente.
Os seguintes dous vídeos son para aprender a voalo. No primeiro non necesitas axuda; no segundo alguén o suxeita contra o vento.
Voar un papavento 1.
Voar un papavento 2.
*
Tabas:
Hoxe en día son de plástico de cores. Antes xogaban con osiños pequenos de año. Na miña casa, miña nai xogaba con pedras. O certo é que era moi hábil.
Clica sobre a imaxe da man e verás como xogan con pedras cos avós.
Clica sobre as de cores e verás o xogo moderno.
*
Yoyó:
Outro xoguete esquecido e moi bonito.
Se tés algún recupérao.
Para aprender a lanzalo
clica sobre a imaxe.
Clica aquí e verás ao campión do Mundo de Yo-yo.
*
Diábolo.
Clica sobre a imaxe e poderás ver un vídeo espectacular en "Vimeo".
Se clicas aquí verás como dar os
primeiros pasos para aprender.
Este é outro xogo que non podes fabricar se non o tés. Paréceme moi interesante porque precisa moito entrenamento para acadar suficiente habilidade e non necesita un lugar especial para practicar. De todos xeitos tenta traballar fóra porque os lanzamentos soen ir bastante altos.
*
Malabares con pelotas.
Comeza con tres pelotas, para probar. Se non vai ser moi difícil.
Non necesitas nada especial. Podes usar pelota de calquera material que teñas pola casa. As de tenis son ideais de tamaño.
No xogo da petanca tés como aprender a facer as bólas para facer malabares.
No
vídeo que enlazo aprenderás varios exercicios de iniciación.
Agora imos a por
trucos con dúas pelotas.
Agora, para quen se queira arriscar un pouco máis ánimo con este
vídeo de trucos con tres pelotas.
Para os máis pequenos:
Ademais de moitos xogos xa vistos nos puntos anteriores, estes dous xogos son específicos para os niveles máis baixos.
-
Xogar con formas.
Con papeis de xornal ou revista, se non temos outra cousa marcamos círculos e pegadas de pés.
Os nenos e nenas terán que:
- Ir de pé en pé.
- Evitar pisar.
- Ir sobre círculos so.
- Combinar pasos por círculos e pegadas...
-
Pasadizo láser.
Con fíos de la, porque non temos por que ter papel pinocho podemos
montar este corredor láser para os máis pequenos e pequenas da casa
¿Serás quen de pasalo? Podemos buscar obxectos aos que atalos.
* Neste 13 de abril imos poñer enlaces de varios tipos:
1. PARA OS MÁIS PEQUENOS
Anque lembramos que todo o mundo pode pasalo moi ben con estes xogos, así que anímote a probar.
1.
Circuito de exercicios 1.
2.
Circuito de exercicios 2.
3.
Serie de xogos con pelotas, vasos de plástico, cartóns de ovos... Se non tés o material non te preocupes, seguro que podes cambialo por outro.
4.
Exercicio na casa con nenos e nenas.
2. PARA FACER UN QUENTAMENTO E TRABALLAR AS ARTICULACIÓNS.
* Alfonso García Muñoz pon á nosa disposición esta serie de vídeos que van ser moi útiles:
1.
Traballa as articulacións.
* Neste segundo vídeo de "el Sendero de Rubén" fan un repaso de moitos dos exercicios que os maiores facemos no colexio.
Atención:
NON TENTES FORZAR OS MÚSCULOS IMITANDO Á PERSOA DO VÍDEO NOS EXERCICIOS EN QUE SEPARA AS PERNAS. ACABARÁS CUNHA LESIÓN. HAI PERSOAS QUE NON SOMOS FLEXIBLES PARA BAIXAR ASÍ, POLO QUE NON FAGAS ESES EXERCICIOS. Imos co vídeo.
Vídeo de estiramentos. É bastante completo.
3. PARA FUTBOLERAS E FUTBOLEROS
Exercicios máis orientados para 4º, 5º e 6º, sempre con precaucións. Segue estes consellos.
1. Nunca fagas flexións de brazos como podes ver nalgúns vídeos. Lembra que a túa columna é moi delicada e que estás medrando.
2. Nunca fagas abdominais coas pernas estiradas ou enganchando o colo á altura da nuca. Estarás causando lesións ás vértebras desa zona.
3. Nunca imites aos adultos.
4. Nunca fagas exercicios de elasticidade e flexibilidade de forma brusca e moito menos facendo rebotes cada vez que baixas.
5. Non collas pesos.
Imos entón co fútbol, e imos ir en orde:
A) Antes de calquera deporte temos que quentar, mínimo 10 minutos.
-
Vídeo de quentamento para o fútbol: estiramentos.
-
Vídeo de quentamento completo para o fútbol 1.
-
Vídeo de quentamento completo para o fútbol 2.
-
Vídeo de quentamento completo para o fútbol 3.
-
Vídeo de quentamento completo para o fútbol 4.
C) Entrenamento técnico:
-
Vídeo técnico 1.
-
Vídeo técnico 2.
-
Vídeo técnico 3.
- Agora imos con
exercicios de control. Son difíciles, pero podes tentalo. Os e as que xogades habitualmente ides ter algo máis de facilidade.
