UNHA SEMANA DE MEDO.

 

 

Chega o Samaín e nas clases aparecen os vampiros, os monstros, esqueletos e cabazas podres.

Xogos para este momento:

1. O vampiro, ou a vampiresa.

Alguén panda. Anícase no centro da pista e soan as 12 badaladas. A medianoite os vampiros ou vampiresas espertan e tratan de pillar a algún/algunha de nós. Ese/a vai ser o novo vampiro.

 2. A cabaza podre.

Un/unha no centro cun balón laranxa brando. Os demais van arrodealo/a en círculo. Lanza ao aire e di o nome de alguén. A persoa que escoite o seu nome vai correr a coller o balón. Cando o teña agarrado berrará pés quedos. Todo o mundo se vai deter. O que porta a cabaza podre camiñará cinco pasos cara alguén. Lanza logo o balón e se fai diana vai eliminar á persoa dada, se non o logra el/ela será o eliminado/a.

3.  Atar ao monstro.

Este xogo é o do pano de atar. Cada grupo terá que dirixirse a coller o pano da cor que se lle asigne. Collerao e seguirá correndo cara o equipo contrario. Atará o pulso de quen queira e regresará á súa fila. Ao chegar desatará o pano que lle ataron aos seus. Xa desatado virá correndo a entregarmo. Quen devolva antes o pano gaña.

4. A danza terrorífica.

Faremos dous equipos. Imos poñer música "This is Halloween" ou "Ghost Busters". Terán 10 minutos para organizarse. 

Cada persoa aportará un paso. Teredes que enlazalos e despois amosarlle a vosa creación aos do outro equipo.

A DANZAR!!!!!!

 MES DE NOVEMBRO DE 2021

Neste mes imos traballar o ritmo, concretamente a actividade máis forte que temos programada vai ser a aprendizaxe dunha coreografía que che vai gustar moito. A canción que imos utilizar vai ser Iko Iko. Seguriño que che gusta e que xa a escoitaches en Spoty, en Tik Tok ou na radio.

Nós imos facer a nosa propia coreografía, anque os primeiros pasos da que todo o mundo baila imos tratar de respectalos.

Vou recomendarche unha, a máis sinxela que vin. Aquí vai o enlace, por se queres practicar. Clica na imaxe.

A bailar todos e todas.

SEMANA 1 A 5 DE XUÑO

Bos e calorosos días. Como cada semana unha aperta e os mellores desexos para todos e todas vós.

1. O NOSO CORPO

Hoxe imos aprender sobre o noso esqueleto e ímolos facer con dous vídeos. O primeiro é para os que ides en terceiro, cuarto, quinto e sexto e o segundo é para os máis pequenos e pequenas de 1º e 2º:

1.1. O vídeo para os máis grandes ten pouco máis de dous minutos e fala dos principais ósos do corpo humano. Clica neste vídeo de "Smile and learn en español".

1.2. O vídeo nº dous é sinxelo, por eso imos propoñelo para 1º e 2º como xa dixemos. É de "PinkFong" e aquí traballamos cunha canción titulada "Huesos".

2. A BAILAR

Imos cos nosos bailes. Como cada semana coloco dous. Lembra que non tés que agobiarte. Tenta aprendelos, pero se non che sae non hai problema. O que necesitamos é facer exercicio e só con tentalo xa fas un entrenamento bastante completo.

Aquí van un par de coreografías de DONLUMUSICAL. Os bailes explícaos primeiro sen música, para que sexa máis fácil e ao final fanse completos coa canción.

2.1. Baile 1.

Posiblemente se só les o título, e es un pouco maior, che dea a risa, pero verás que non é tan fácil como pensabas esta coreografía, por eso a recomendo para os que estades en 4º, 5º e 6º. O título de vídeo é "Baile para niños paso a paso "El patio de mi casa" DONLUMUSICAL".

2.2. Baile 2. Aquí vas ver dúas versións da Granxa do Vello McDonald.

Imos á granxa do vello McDonald.Unha do Oeste para cambiar algo de estilo. Tamén é unha coreografía de DonLuMusical. Como el di podes inventar ti a túa propia ou ben cambiar os pasos en que traballan por parellas. Se non tés con quen bailar as palmadas fainas ao aire. Os máis pequenos tamén podedes facela. É máis fácil ca o Baile 1 de hoxe. Recoméndoa para 1º e 2º, anque podemos traballala todos e todas.

AQUÍ VAI A VERSIÓN MÁIS FÁCIL. Para os de 1º, 2º e Infantil é a mellor opción. Titúlase: "Old MacDonald Had a Farm | Dance | Nursery Rhymes with Ready, Set, Sing!". O vídeo pertence a "A* List! English Learning Videos for Kids". De paso que bailamos e facemos os xestos da granxa aprendemos algo de inglés.

3. XOGAMOS E RECICLAMOS

Imos fabricar a nosa colección de xogos, para eso seguimos o que vas ver 10  xogos que se poden facer con tapóns de botellas de plástico que sempre temos na casa. Podemos facer xogos de memoria, selos para decorar, operacións de matemáticas, unhas maracas, un tres en raia, un abecedario, un xogo con letras para formar palabras. Damos as grazas a EUGENIA ROMERO que publicou o vídeo "10 juegos con tapones reciclados". Son fáciles de facer e moi divertidos. ADEMÁIS AXUDAMOS A NON CONTAMINAR A TERRA.

LEMBRA QUE ALGÚN ADULTO TEN QUE ESTAR SEMPRE CONTIGO.

MATERIAL:

- Goma eva

- Rotuladores permanentes

- Algún bote de témpera para usar no canto da esponxa con tinta que utilizan no vídeo.

- Silicona líquida, da que usamos sempre en clase.

- Papeis de cores ou cartolinas

- Tixeiras escolares.

- Botellas pequenas de actimel ou de auga, refrescos...

Vou darche algunha idea para o das maracas. Eles meten tapóns dentro da botella. ti podes meter algunhas pedriñas, unhas pouquiñas lentellas ou arroz...

No xogo das texturas os tapóns teñen que ser dos máis grandes e dentro podedes meter esponxa, algodón, plastilina, pedras pegadas coa silicona e todo o que se che ocorra.

A MOVERSE COA MÚSICA.

NESTE MOMENTO DIFÍCIL NAS NOSAS VIDAS QUERO PROPOÑERVOS ALGUNHAS TAREFAS QUE POIDAN AXUDARVOS A PASAR O TEMPO E A POÑERVOS EN FORMA.

O BLOGUE ESTÁ EN CONTINUA CONSTRUCCIÓN. Por eso irei engadindo novos enlaces a coreografías. Para estes primeiros días as propostas son as que ides poder clicar.

COIDÁDEVOS MOITO POR VÓS, POLAS VOSAS FAMILIAS E POR TODOS E TODAS.

A música sempre nos acompaña  ¿Por que non utilizala para poñerse en forma?

A danza, o baile e case todas as variantes son un completísimo exercicio que axuda a que mellores a coordinación, a capacidade pulmonar e do corazón e tamén a flexibilidade e elasticidade. ¿Que máis podemos pedir?

Hai moitas maneiras de utilizala. Propóñoche algunhas:

- Imos con varios enlaces de zumba:

* No enlace azul deixamos vídeos e máis vídeos adaptados á vosa idade. Algúns son para pequenos e outros para os maiores.  Zumba.

* Esta clase de HIP HOP  vai gustarche seguro. A música está moi ben e a coreografía, aínda que é rápida, ten pasos sinxelos. A Canción vai sonarche moito.

POUCO A POUCO IREI PROPOÑENDO VÍDEOS PARA DÍAS SUCESIVOS.


- Podemos practicar coreografías. Sempre tentarei buscar aquelas que vexa máis sinxelas, para que, se  queredes, poidades seguilas. Para eso podes ir a varios sitios:

a) YouTube tén moitas coreografías:

* Aquí déixoche o vídeo de Just Dance "Panic at the disco".  YouTube déixache ir a todas as cancións que queiras de Just Dance. Tés a vantaxe de poder parar e repetir o vídeo canta veces queiras. Por suposto ti podes cambiar todo o que queiras. A creatividade é o mellor.

b) Youtube tamén permite que escribas as túas buscas. Escribe "Coreografía de "título da canción". Logo xa só tés que escoller a que máis che guste. Vas poder ir a bailes, a zumba desa canción... Eu propóñoche bailar con ABBA. No vídeo vas bailar un "mix" de tres famosas cancións: "Dancing Queen, Waterloo e Mamma Mía". A coreografía é fácil de seguir.


En días sucesivos irei dándoche máis ideas.

2. Hoxe é 3 de marzo. Imos a por catro coreografías. A ver se consigues facelas. ÁNIMO

* Imos ao noso caixón que é Just Dance:

- A primeira canción que escollín é Let's Dance: I am Alive, Will I Am

- A segunda é Pum-It de The Black Eyed Peas.

* Visitamos o segundo caixón, YouToube. Hoxe vou deixar tres propostas. Por favor non perdas a terceira:

- Un pouco de Zumba-Fitness con Gloria Gaynor e a famosa canción I Will Survive.

- Movidiña esta. Ob-la-di-ob-la-da dos Beatles, nunha versión bailable.

- ESTA TERCEIRA É UN HOMENAXE AOS AVÓS E AVOAS QUE TANTO ESTÁN SUFRINDO NESTE MOMENTO. Mirade que ben bailan. O himno que todos cantamos estes días RESISTIRÉ bailado por un grupo de avós e avoas en liña. IMPRESIONANTE.

3. A proposta de hoxe 13 de abril é moi sinxela. Dous únicos vídeos porque logo imos ir á entrada de Educación física na casa. 

a) O importante é moverse, e deso trata este vídeo de YouTube de  "COREOKDS - el baile del cuerpo -DIVERPLAY". Fala da importancia de coidar o corpo. Clica nesta frase que vas escoitar na canción "Tengo un cuerpo y lo voy a mover". Unha coreografía alegre e sinxela.

b)  Imos cunha sesión de aeróbic.

Imos agora á parte do blogue de "Deporte e Xogos para facer sen saír da casa".

OS XOGOS OLÍMPICOS

A maior demostración deportiva a nivel mundial son As Olimpiadas ou Xogos Olímpicos.

Á hora de falar deles teremos que diferenciar entre os Xogos Olímpicos Antigos e os Xogos Olímpicos modernos.

OS XOGOS OLÍMPICOS ANTIGOS

Estes xogos naceron como necesidade dun periodo de paz entre as moitas loitas que eran comúns no Mediterráneo na Historia Antiga.

Na seguinte imaxe vas atopar un montón de puntiños que che van proporcinar bastante información relativa aos Xogos Olímpicos.

¿QUÉ É EDUCACIÓN FÍSICA?

A Educación Física é unha das áreas contempladas como imprescindibles para a formación integral do individuo.

Curiosamente seguimos sen desterrar o termo "Ximnasia". Supoño que por economía da linguaxe, sendo que é un termo de todo incorrecto. Ximnasia é o nome dun par de especialidades deportivas. a educación física é unha posta en valor de todo aquelo que engloba ao movemento humano.

O obxectivo que pretendo é pór ao alumnado en contacto co maior número posible de experiencias relacionadas co movemento, incluindo a faceta expresiva e rítmica.

EDUCACIÓN FÍSICA vs ESPECIALIZACIÓN DEPORTIVA

Non é o mesmo, afortunadamente. A educación física ten como obxectivo unha  "multiexploración" de posibilidades.
A especialización deportiva en nenos é, na miña opinión, un erro. Se temos diante un corpo en pleno crecemento e maduración física e psicolóxica, non podemos insistir en certos movementos repetitivos sobre determinadas articulacións ou segmentos corporais. Estamos, neste caso, alterando o desenvolvemento harmónico do noso alumnado e posiblemente causando algún tipo de lesión non desexable, polo abuso dese segmento e movemento.

Tocante ao esforzo solicitado á hora de competir... Os nenos e nenas non son adultos en tamaño reducido, polo contrario son corpos e mentes en plena evolución, polo tanto non podemos aplicar normas, materiais e esixencias do deporte regrado. A actividade ten que ser adaptada aos máis pequenos.

¿POR QUE É NECESARIA A EDU CACIÓN FÍSICA?

A ninguén se nos escapa que, desde que o ser humano aparece no planeta necesita sobrevivir. A supervivencia virá dada pola súa forza e habilidade física e psicolóxica á hora de solventar problemas como cazar, recolectar alimentos e loitar polos postos de poder. Os máis fortes, hábiles e intelixentes dirixirían a tribu, e en caso de necesidade, por selección natural, serían os que sairían adiante.

Hoxe en día non precisamos cazar ou sobrevivir, ou sí? Hoxe necesitamos sobrevivir ás tecnoloxías, á comida insalubre e ao sedentarismo. O noso mundo está cheo de pantallas que che piden que te deteñas e mires; dun mundo que se comunica a través de máquinas, sen ter que desprazarnos. Para comer teremos acceso, a maioría das persoas, a unha variedade inmensa de alimentos cheos de substancias nada saudables, en centros comerciais con ascensores, escaleiras mecánicas... Se paramos a observar quen prescinde destes dous medios de "desprazamento", veremos que case ninguén... Como consecuencia os problemas de saúde cardiovasculares e a obesidade son, neste momento, altamente preocupantes.

Algúns nenos e nenas só disfrutan do movemento e exercicio físico nas dúas horas semanais en que asisten ás sesións de Educación Física que teñen lugar nas escolas. ¿Que sucedería se non fixesen nin eso?

A actividade física axuda a manterse saudable, a ter que pensar como resolver situacións motrices e necesita ser compartida, polo que é un medio de socialización e de aprender a quererse a un mesmo, aceptándose tal e como é.

Aquí deixo un enlace a un vídeo relacionado co tema que acabamos de comentar. Feito pola Fundación Mapfre. Presta atención, porque en poucas palabras e de xeito sinxelo a importancia do movemento e a actividade física. Clica sobre o enlace.


https://youtu.be/iYz2E-LLAl0
 

This work is licensed under a Creative Commons Attribution-NonCommercial-NoDerivatives 4.0 International License.