SEMANA 8 A 12 DE XUÑO

O primeiro, coma sempre é desexarvos o mellor e que esta nova semana que comeza sexa unha máis na que todo continúe ben nas vosas casas.

BOA SEMANA A TODOS E TODAS!

Dado que, por sorte, hai xa un tempo que podemos saír e facer deporte e xogar case como antes, vou compartir con vós enlaces a xogos cos que podamos repasar un pouco e por último seguimos bailando.

XOGOS:

1. PARA OS DE 4º, 5º E 6º:  Clica aquí para comezar co rosco de Educación Física. Este rosco pertence ao "CEIP La Jota de Zaragoza".

2. PARA OS QUE ESTADES EN 1º, 2º E 3º. Lembrade que é mellor que esteades con alguén un pouco maior  para que vos bote unha man. Clica aquí para ir ao parque de "Diverland", que é unha parate do proxecto LUDOS.

A SEGUIR BAILANDO:

 1. Os dous primeiros vídeos son para os maiores:

1.1. Primeiro vídeo para 4º, 5º e 6º. Título: "Zumba Kids Clap Stomp Jump" de "Family Friendly Gaming". A calidade de imaxe non é moi boa, pero o baile é bastante sinxelo.

1.2. O segundo vídeo vai resultar familiar para algúns, anque o alumnado que fixo esta coreografía xa está no instituto. o Título "I'M ANALBATROZ |Aronchupa | Andrea Stella Dance Fitness". É un baile moi chulo e enerxético. Se teño que recomendalo sería para 4º, 5º e 6º, sobre todo para 5º e 6º.

2. Os seguintes dous vídeos son para os máis pequenos, anque todos e todas podedes tentar os pasos. é divertido:

2.1. Agora imos cos máis pequenos de 1º, 2º e 3º. Aprender a comer ben é moi importante. Así que imos facer o Baile da Ensalada. O grupo Pica-Pica explícache moi ben o que acabo de dicir. O título do vídeo é "Pica-Pica - El Baile De La Ensalada (Videoclip Oficial)".

2.2. Outro para todas as idades. O título: "Rock Around the Clock", de "Music Express Magazine". Anque o escoites en inglés non vas ter problema, ti só segue os movementos.

SEMANA 1 A 5 DE XUÑO

Bos e calorosos días. Como cada semana unha aperta e os mellores desexos para todos e todas vós.

1. O NOSO CORPO

Hoxe imos aprender sobre o noso esqueleto e ímolos facer con dous vídeos. O primeiro é para os que ides en terceiro, cuarto, quinto e sexto e o segundo é para os máis pequenos e pequenas de 1º e 2º:

1.1. O vídeo para os máis grandes ten pouco máis de dous minutos e fala dos principais ósos do corpo humano. Clica neste vídeo de "Smile and learn en español".

1.2. O vídeo nº dous é sinxelo, por eso imos propoñelo para 1º e 2º como xa dixemos. É de "PinkFong" e aquí traballamos cunha canción titulada "Huesos".

2. A BAILAR

Imos cos nosos bailes. Como cada semana coloco dous. Lembra que non tés que agobiarte. Tenta aprendelos, pero se non che sae non hai problema. O que necesitamos é facer exercicio e só con tentalo xa fas un entrenamento bastante completo.

Aquí van un par de coreografías de DONLUMUSICAL. Os bailes explícaos primeiro sen música, para que sexa máis fácil e ao final fanse completos coa canción.

2.1. Baile 1.

Posiblemente se só les o título, e es un pouco maior, che dea a risa, pero verás que non é tan fácil como pensabas esta coreografía, por eso a recomendo para os que estades en 4º, 5º e 6º. O título de vídeo é "Baile para niños paso a paso "El patio de mi casa" DONLUMUSICAL".

2.2. Baile 2. Aquí vas ver dúas versións da Granxa do Vello McDonald.

Imos á granxa do vello McDonald.Unha do Oeste para cambiar algo de estilo. Tamén é unha coreografía de DonLuMusical. Como el di podes inventar ti a túa propia ou ben cambiar os pasos en que traballan por parellas. Se non tés con quen bailar as palmadas fainas ao aire. Os máis pequenos tamén podedes facela. É máis fácil ca o Baile 1 de hoxe. Recoméndoa para 1º e 2º, anque podemos traballala todos e todas.

AQUÍ VAI A VERSIÓN MÁIS FÁCIL. Para os de 1º, 2º e Infantil é a mellor opción. Titúlase: "Old MacDonald Had a Farm | Dance | Nursery Rhymes with Ready, Set, Sing!". O vídeo pertence a "A* List! English Learning Videos for Kids". De paso que bailamos e facemos os xestos da granxa aprendemos algo de inglés.

3. XOGAMOS E RECICLAMOS

Imos fabricar a nosa colección de xogos, para eso seguimos o que vas ver 10  xogos que se poden facer con tapóns de botellas de plástico que sempre temos na casa. Podemos facer xogos de memoria, selos para decorar, operacións de matemáticas, unhas maracas, un tres en raia, un abecedario, un xogo con letras para formar palabras. Damos as grazas a EUGENIA ROMERO que publicou o vídeo "10 juegos con tapones reciclados". Son fáciles de facer e moi divertidos. ADEMÁIS AXUDAMOS A NON CONTAMINAR A TERRA.

LEMBRA QUE ALGÚN ADULTO TEN QUE ESTAR SEMPRE CONTIGO.

MATERIAL:

- Goma eva

- Rotuladores permanentes

- Algún bote de témpera para usar no canto da esponxa con tinta que utilizan no vídeo.

- Silicona líquida, da que usamos sempre en clase.

- Papeis de cores ou cartolinas

- Tixeiras escolares.

- Botellas pequenas de actimel ou de auga, refrescos...

Vou darche algunha idea para o das maracas. Eles meten tapóns dentro da botella. ti podes meter algunhas pedriñas, unhas pouquiñas lentellas ou arroz...

No xogo das texturas os tapóns teñen que ser dos máis grandes e dentro podedes meter esponxa, algodón, plastilina, pedras pegadas coa silicona e todo o que se che ocorra.

SEMANA 25 A 29 DE MAIO

                                                   



Bos días a todos e todas. Unha semana máis desexo o mellor para todas as familias. Ogallá esteades ben.

UN POUCO DE EXERCICIO

Cun par de vídeos imos facer uns exercicios para poñernos en forma. Valen para todas as idades.
Os exercicios son de "Welcome to My Gym". Están protagonizados por dúas nenas.

Vídeo 1: "Welcome to My Gym 2 | Exercise Song for Kids | Indoor Workout for Children | Time 4 Kids TV".

Vídeo 2: "Welcome to My Gym 3 | Exercise Song For Kids | Indoor Workout For Children | Time 4 Kids TV".

Este terceiro vídeo, en inglés de "Miss Linky", ensina unha táboa de exercicios de forza, elasticidade e flexibilidade. A mioría son sinxelos. OLLO CON ESTO: Ten conta dos exercicios en que se coloca coma unha táboa e no que nesa posición leva o xeonllo a tocar o cóbado. Tamén lembra ter moita conta nos exercicios en que coas pernas cruzadas e sentada no chan vai tocar cos cóbados o chan. Por último coida de facer con coidado o de ir tocar os pés desde sentado/a coas pernas estiradas. Lembra que non hai que forzar ningunha postura. Non tés que tocar os pés se non chegas. Non tés que tocar o chan cos cóbados se ves que che doe. Se pasa eso non fagas o exercicio. Os maiores podedes tentar o da táboa, pero só se sodes capaces de manter o corpo recto de todo. Se vedes que tremen os brazos ou o lombo se vai curvar tampouco o fagades. Clica aquí.


SEGUIMOS BAILANDO

1. A primeira coreografía pertence a "Move Tube Network" e o vídeo titúlase "Kids Learn a Dance to "Can't Stop the Feeling" by Justin Timberlake!"

2. E a derradeira para esta semana é unha coreografía preciosa dunha canción alegre. Non é difícil, así que anímovos a tentar facela. Este baile pertence a "Saskia's Dansschool" e o título é "Black magic - Little Mix - Easy Kids Dance Video - Choreography".

A MOVERSE COA MÚSICA.

NESTE MOMENTO DIFÍCIL NAS NOSAS VIDAS QUERO PROPOÑERVOS ALGUNHAS TAREFAS QUE POIDAN AXUDARVOS A PASAR O TEMPO E A POÑERVOS EN FORMA.

O BLOGUE ESTÁ EN CONTINUA CONSTRUCCIÓN. Por eso irei engadindo novos enlaces a coreografías. Para estes primeiros días as propostas son as que ides poder clicar.

COIDÁDEVOS MOITO POR VÓS, POLAS VOSAS FAMILIAS E POR TODOS E TODAS.

A música sempre nos acompaña  ¿Por que non utilizala para poñerse en forma?

A danza, o baile e case todas as variantes son un completísimo exercicio que axuda a que mellores a coordinación, a capacidade pulmonar e do corazón e tamén a flexibilidade e elasticidade. ¿Que máis podemos pedir?

Hai moitas maneiras de utilizala. Propóñoche algunhas:

- Imos con varios enlaces de zumba:

* No enlace azul deixamos vídeos e máis vídeos adaptados á vosa idade. Algúns son para pequenos e outros para os maiores.  Zumba.

* Esta clase de HIP HOP  vai gustarche seguro. A música está moi ben e a coreografía, aínda que é rápida, ten pasos sinxelos. A Canción vai sonarche moito.

POUCO A POUCO IREI PROPOÑENDO VÍDEOS PARA DÍAS SUCESIVOS.


- Podemos practicar coreografías. Sempre tentarei buscar aquelas que vexa máis sinxelas, para que, se  queredes, poidades seguilas. Para eso podes ir a varios sitios:

a) YouTube tén moitas coreografías:

* Aquí déixoche o vídeo de Just Dance "Panic at the disco".  YouTube déixache ir a todas as cancións que queiras de Just Dance. Tés a vantaxe de poder parar e repetir o vídeo canta veces queiras. Por suposto ti podes cambiar todo o que queiras. A creatividade é o mellor.

b) Youtube tamén permite que escribas as túas buscas. Escribe "Coreografía de "título da canción". Logo xa só tés que escoller a que máis che guste. Vas poder ir a bailes, a zumba desa canción... Eu propóñoche bailar con ABBA. No vídeo vas bailar un "mix" de tres famosas cancións: "Dancing Queen, Waterloo e Mamma Mía". A coreografía é fácil de seguir.


En días sucesivos irei dándoche máis ideas.

2. Hoxe é 3 de marzo. Imos a por catro coreografías. A ver se consigues facelas. ÁNIMO

* Imos ao noso caixón que é Just Dance:

- A primeira canción que escollín é Let's Dance: I am Alive, Will I Am

- A segunda é Pum-It de The Black Eyed Peas.

* Visitamos o segundo caixón, YouToube. Hoxe vou deixar tres propostas. Por favor non perdas a terceira:

- Un pouco de Zumba-Fitness con Gloria Gaynor e a famosa canción I Will Survive.

- Movidiña esta. Ob-la-di-ob-la-da dos Beatles, nunha versión bailable.

- ESTA TERCEIRA É UN HOMENAXE AOS AVÓS E AVOAS QUE TANTO ESTÁN SUFRINDO NESTE MOMENTO. Mirade que ben bailan. O himno que todos cantamos estes días RESISTIRÉ bailado por un grupo de avós e avoas en liña. IMPRESIONANTE.

3. A proposta de hoxe 13 de abril é moi sinxela. Dous únicos vídeos porque logo imos ir á entrada de Educación física na casa. 

a) O importante é moverse, e deso trata este vídeo de YouTube de  "COREOKDS - el baile del cuerpo -DIVERPLAY". Fala da importancia de coidar o corpo. Clica nesta frase que vas escoitar na canción "Tengo un cuerpo y lo voy a mover". Unha coreografía alegre e sinxela.

b)  Imos cunha sesión de aeróbic.

Imos agora á parte do blogue de "Deporte e Xogos para facer sen saír da casa".

OS XOGOS OLÍMPICOS

A maior demostración deportiva a nivel mundial son As Olimpiadas ou Xogos Olímpicos.

Á hora de falar deles teremos que diferenciar entre os Xogos Olímpicos Antigos e os Xogos Olímpicos modernos.

OS XOGOS OLÍMPICOS ANTIGOS

Estes xogos naceron como necesidade dun periodo de paz entre as moitas loitas que eran comúns no Mediterráneo na Historia Antiga.

Na seguinte imaxe vas atopar un montón de puntiños que che van proporcinar bastante información relativa aos Xogos Olímpicos.

A EDUCACIÓN VIARIA

Todos e todas andamos polas beirarúas ou utilizamos patinetes, bicicletas, patíns... Polo tanto debemos coñecer como actuar: os sinais, os perigos... Agora temos aquí uns vídeos sobre este tema que che vai axudar moito. Os xogos pertencen a MAPFRE. Clica aquí e á esquerda podes traballar cantidade de xogos.

Outro lugar cheo de xogos sobre educación viaria é "Educapeques". Os xogos que vas ver están graduados por niveis.


Os sinais. Todos nós debemos saber o significado das máis importantes e que facer cando estamos diante delas. É o xeito de evitar accidentes. Clica sobre eles para acceder ao vídeo.

  

 

Imos agora falar de que facer cando estamos na rúa. Todos compartimos ese espazo e temos actuar con corrección para convivir. O vídeo que podes ver se clicas sobre o semáforo pertence a "Ecucapeques".

 

 

AS PREGUNTAS PARA O TABOLEIRO DE 6º E 5º

AQUÍ VAI A BATERÍA DE PREGUNTAS PARA O VOSO TABOLEIRO

 

Comeza co A	O alimento líquido por excelencia. Inodoro, incoloro e insípido
Comeza co B	No baloncesto e balonmán falo co balón.
Comeza co C	Os e as que compiten son os ou as...
Comeza co D	Úsanse nalgúns xogos para botar a sortes ou para saber cantas casiñas mover.
Comeza co E	Deporte no que se precisan máscaras e floretes.
Comeza co F	Se fas algo antiregulamentario cometes unha.
Comeza co G	Alimento do que non debemos abusar, se queremos comer equilibradamente.
Comeza co H	Pódese xogar sobre 4 rodas ou ben sobre xeo, golpeando unha bóla con bastóns.
Comeza co I	Material que ten plumas e pode golpearse ou lanzarse.
Comeza co K	Nome de arte marcial.
Contén o L	Así se chaman as técnicas que axudan a que nos tranquilicemos. Técnicas de...
Comeza co M	Se fas deporte exercítalos. Sen eles non poderías mover os ósos.
Comeza co N	Apelido dun famoso tenista español.
Contén o Ñ	O que gaña.
Contén o O	Persoa á que tés que ir para que vixíe a túa saúde.
Contén o P	Deporte orixinario de Brasil, baseado nun arte marcial que se fai como unha danza.
Comeza co Q	Se acertas todos os resultados podes ser rico ou rica.
Comeza co R	Instalación deportiva que se utiliza para practicar escalada.
Comeza co S	Deporte que utiliza unha táboa para desprazarse sobre as ondas.
Comeza co T	Bicicleta para dúas persoas.
Contén o U	Necesitámola para as coreografías.
Comeza co V	O ou a que non perde.
Comeza co W	Torneo sobre herba que se celebra en Inglaterra.
Contén o X	Nese lugar os bólidos de Fórmula 1 repostan ou repáranse.
Contén o Y	Deporte nacido en Inglaterra que utiliza un balón non redondo.
Comeza co Z	Se te subes neles terás que gardar o equilibrio. Permítenche camiñar como un xigante.

This work is licensed under a Creative Commons Attribution-NonCommercial-NoDerivatives 4.0 International License.

PASANDO PALABRA - O TABOLEIRO

EDUCACIÓN FÍSICA E SAÚDE

Imos construir o noso rosco, que vai ser rectangular, para utilizar como xogo para os días en que o polideportivo se volve perigoso ou cando as alertas meteorolóxicas impiden o normal desenvolvemento das sesións.

Materiais:

Unha lámina de cartón pluma de 50 x 70. Cortadas á metade dá para facer dous taboleiros, anque este tipo de cartón é moi delgado.
Silicona líquida de uso escolar.
Tantos tapóns de botellas de auga na que colocar as letras do abecedario para cada cadrosco. Todos dunha cor. O preferible e máis común é o azul.
Fichas de parchís verdes e vermellas, incluso feitas con plastilina en clase. Eu comprei minpomóns verdes vermellos.
Un paquete de etiquetas redondas, parecidas aos gomets.
Un rotulador permanente ou letras adhesivas.

foto feita por min. Minipompóns

 

Construción:

Colocamos, sen pegalos ao primeiro, os tapóns, coa parte de fóra posta sobre o cartón e a parte fonda cara nós.
Cando estean colocados equidistantes, iremos pegando un a un.
Dentro dos tapóns pintaremos as etiquetas brancas redondas, nas que escribiremos letras con rotulador medio groso negro ou letras adhesivas se fosen dun tamaño axeitado.

Inclúense fotos cos pasos que se siguen e os materiais.

O Xogo:

Cada vez que acertemo unha resposta meteremos unha ficha verde no tapón coa letra correspondente. Se fallamos a ficha será vermella.
Non existe a posibilidade de pasar palabra.