O BÁDMINTON NA ESCOLA
O bádminton é un deporte elegante e extremadamente rápido.
Os partidos son moi emocionantes.Vás ver un espectacular vídeo ilustrativo do que che conto. Clica sobra a ligazón.
https://youtu.be/F8LgRMGLSxs
https://youtu.be/F8LgRMGLSxs
* Breve historia do Bádminton. As orixes.
Din que este deporte naceu nun momento de festa. Como sempre o ser humano busca o modo de disfrutar, sexa ou non de maneira competitiva. Éste é un deses casos, un tanto especial, certamente, pois del nace o deporte que nestes días estamos practicando nas sesións de Educación Física.
Imos pois: Din que durante unha festa, alá polo fin do século XIX, ao ver que chovía, alguén (soldados ingleses), colleu unhas raquetas, pero... Non quedaba outra que xogar dentro. Entón utilizar unha pelota era un tanto complexo e posiblemente todo o mobiliario, ventás e demais correrían o risco de seren destragados a pelotazos. O inxenio dun destes soldados deulle a idea de coller as rollas das botellas de champagne da festa. A estas rollas colocáronlle unhas plumas. Con estas rollas emprumadas e unhas raquetas comezaron a xogar unha especie de tenis lento... Aquí temos o primeiro bádminton. Hoxe, os volantes que utilizamos son similares, en forma, a esas rollas emprumadas. Se foses un ou unha profisional terías que xogar con volantes feitos con prumas, como o da imaxe que che amoso.
Agora imos co nome. O nome que recibe o deporte é o da mansión inglesa no que se practicou por vez primeira nesa festa con champagne. A mansión chamábase Badminton House. Unha casa do Duque de Beaufort.
Este é un deporte olímpico desde as Olimpiadas de Barcelona do 1992, pero de xeito incompleto. Só era olímpico en individuais. O de dobres esperaría ata 1996, ano das Olimpiadas de Atlanta, en Estados Unidos.
* Que imos precisar para poder xogar?
Como eu digo sempre, para xogar basta un pouco de imaxinación e ganas, anque aquí é imprescindible algún material e mellor que xogues dentro. O vento, aínda que sexa frouxo pode complicar calquera traxectoria e xogada que pretendas. Entón atende á listaxe que che facilito:
- Volantes e raquetas de bádminton. Con estas dúas cousas, que podes conseguir por pouco diñeiro, e cunha calidade máis que aceptable para iniciarte neste deporte, xa podes xogar. Os volantes que che aconsello son os sintéticos, pero non os collas nunha xoguetería. Hai marcas económicas que son estupendas e resistentes. Habitualmente veñen en tubos de 6 unidades. Os outros están feitos con prumas de ganso. A raqueta que aconsello é a de mango longo. En dúas sesións estarás perfectamente acostumado ao traballo con elas. Se comezamos con curtas pasaremos, en pouco tempo por outra adaptación innecesaria, na miña experiencia e opinión.
- Unha rede, no seu defecto, nós utilizamos unha goma elástica de marcaxe. Esta goma terás que colocala, se podes 1,20 ou 1,30 metros de altura.
- Uns amigos ou amigas, xa que en bádminton os partidos poden ser masculinos, femeninos e mixtos.
- No bádminton adulto a pista mide uns 13 m. Realmente mide 13,40 metros de longo por 6,10 de ancho. Podes marcala en area ou terra cos propios pés. O ideal é que teñas preto unha pista coas liñas marcadas. A pista terá este deseño:
Imos pois: Din que durante unha festa, alá polo fin do século XIX, ao ver que chovía, alguén (soldados ingleses), colleu unhas raquetas, pero... Non quedaba outra que xogar dentro. Entón utilizar unha pelota era un tanto complexo e posiblemente todo o mobiliario, ventás e demais correrían o risco de seren destragados a pelotazos. O inxenio dun destes soldados deulle a idea de coller as rollas das botellas de champagne da festa. A estas rollas colocáronlle unhas plumas. Con estas rollas emprumadas e unhas raquetas comezaron a xogar unha especie de tenis lento... Aquí temos o primeiro bádminton. Hoxe, os volantes que utilizamos son similares, en forma, a esas rollas emprumadas. Se foses un ou unha profisional terías que xogar con volantes feitos con prumas, como o da imaxe que che amoso.
 |
| Volantes de plumas. Imaxe de Pixabay |
Agora imos co nome. O nome que recibe o deporte é o da mansión inglesa no que se practicou por vez primeira nesa festa con champagne. A mansión chamábase Badminton House. Unha casa do Duque de Beaufort.
Este é un deporte olímpico desde as Olimpiadas de Barcelona do 1992, pero de xeito incompleto. Só era olímpico en individuais. O de dobres esperaría ata 1996, ano das Olimpiadas de Atlanta, en Estados Unidos.
* Que imos precisar para poder xogar?
Como eu digo sempre, para xogar basta un pouco de imaxinación e ganas, anque aquí é imprescindible algún material e mellor que xogues dentro. O vento, aínda que sexa frouxo pode complicar calquera traxectoria e xogada que pretendas. Entón atende á listaxe que che facilito:
- Volantes e raquetas de bádminton. Con estas dúas cousas, que podes conseguir por pouco diñeiro, e cunha calidade máis que aceptable para iniciarte neste deporte, xa podes xogar. Os volantes que che aconsello son os sintéticos, pero non os collas nunha xoguetería. Hai marcas económicas que son estupendas e resistentes. Habitualmente veñen en tubos de 6 unidades. Os outros están feitos con prumas de ganso. A raqueta que aconsello é a de mango longo. En dúas sesións estarás perfectamente acostumado ao traballo con elas. Se comezamos con curtas pasaremos, en pouco tempo por outra adaptación innecesaria, na miña experiencia e opinión.
 |
| Raquetas bádminton-Imaxe Pixabay |
- Unha rede, no seu defecto, nós utilizamos unha goma elástica de marcaxe. Esta goma terás que colocala, se podes 1,20 ou 1,30 metros de altura.
- Uns amigos ou amigas, xa que en bádminton os partidos poden ser masculinos, femeninos e mixtos.
- No bádminton adulto a pista mide uns 13 m. Realmente mide 13,40 metros de longo por 6,10 de ancho. Podes marcala en area ou terra cos propios pés. O ideal é que teñas preto unha pista coas liñas marcadas. A pista terá este deseño:
- A liña lateral máis exterior é a que encerra a pista de dobres.
- A liña lateral interior e paralela á de dobres é a final da pista de individuais.
- A liña que vés máis atrás e lonxe da rede é unha das liñas de saque, a de saque longo.
- A liña que está máis preto da rede (liña central), e paralela a ela é a liña de saque curto.
Loxicamente o saque curto, como ben sabes xa, tén que facerse preto da rede.
Na escola a pista de adultos que estás vendo pode dividirse en dúas pistas, ao ancho. Unha a cada lado da rede.
Na escola os equipos sempre son mixtos e xógase en torneos de dobres.
* Regulamento para a escola, consellos e aclaracións.
O bádminton non é tenis. Non podes xogar con todo o brazo ou moverte en bloque. O manexo do pulso é o que vai definir a un bo xogador ou xogadora e ao mesmo tempo o que lle vai dar velocidade aos golpes.
Na escola sempre equipos mixtos e xogamos dobres, como dixemos anteriormente.
 | |
| Imaxe de Flickr.com-obtida pedindo uso non comercial e con modificación. |
- Os partidos xogaranse a 3 sets de 15 puntos cada un. A diferencia entre o gañador e o que perde ten que ser de dous puntos. Se chegamos empatados seguiremos ata 21. Se volvemos a chegar igualados, gaña o que primeiro logre o 21.
- Cada set deberedes cambiar de campo.
- Se hai que xogar o set nº 3 o cambio farase no medio do mesmo, ao chegar ao punto 7.
- Se ti sacas e gañas o set, lembra 21 puntos cunha diferenza de dous, ademais de cambiar de campo, terás que ser quen saque de novo. É dicir o gañador tén dereito a saque.
O obxectivo fundamental do bádminton é facer que o volante pase por riba da rede.
- Se o volante cae ao chan no campo contrario o punto será para nós.
- Se o volante golpea o corpo ou a roupa dun xogador cometemos falta.
- Se o outro tenta devolvela e a bota fóra, conseguirás punto. As paredes, os laterais, se son tocados, significan fóra. Se golpeas a alguén de fóra da pista tamén é punto.
- As faltas da outra persoa son puntos para nós.
- Cando se saca, non se pode axudar, se estamos xogando dobres, e non se pode golpear dúas veces, en caso de que non logremos que o volante pase directo de saque.
- O volante non pode pasar por debaixo da rede.
- En xogo, quen golpee o volante, terá que conseguir envialo, con ese único golpe ao outro lado. Lembra que tés que golpear e non empurrar o mesmo.
- Nós sacamos desde calquera lado, desde a parte de atrás da pista, sabendo que o saque regulamentario é en diagonal ou en cruz. Se estamos na parte dereita da pista sacando, o volante tería que ir cara a esquerda do outro campo.
Lembra que nesta etapa da aprendizaxe, o importante é conseguir sacar e enviar o saque por riba da rede. Non importan tanto os lados, cruces e demais. Ese será un segundo estadío, no que xa os meus movementos estarán totalmente automatizados. Entón serei quen de descompoñelos e analisalos.
- Cando golpees o volante, en saque, tanto no longo como no curto, faralo por debaixo da cintura e coa cabeza da raqueta máis baixa ca o mango. Aconsélloche estirar bastante o brazo que suxeita o volante e frear o brazo da raqueta como se estivese atornillado ao noso costado. Dese modo a cabeza da raqueta vai coincidir co volante e golpearás sen problema. O saque longo soe ser un dos movementos que máis vos custa.
- Nós moverémonos pola pista libremente. O importante é lograr devolver o volante.
- Non estires o dedo índice cando agarres a raqueta. Non che vai permitir xogar co pulso.
- Divide o corpo en dúas metades. Se es diestro, todos os golpes que vaian cara a parte dereita do teu corpo daralos con golpes de dereita. Se van cara a esquerda do teu corpo farás reveses.
- Divide o corpo verticalmente en tres. Zona alta, media e baixa. Así poderás medir e escoller o golpe máis axeitado.
- Non permanezas estático, nin coas pernas completamente estiradas. Móvete como un espadachín ou un bailarín, sen cruzar nunca os pés e regresando inmediatamente ao centro da pista que defendes.
- Cambia o tipo de golpes que utilizas. Mestura longos, altos, medios, baixos, deixadas, remates... Vendo cal é a parte da pista máis fácil de atacar. Se o outro se vai atrás, golpea velozmente cara a parte dianteira; posiblemente o atopes descolocado e consigas puntuar.
- Non podemos tocar a rede.
- Como en Voleibol, tamén hai invasión. Non podemos pasar ningunha parte do corpo ao lado contrario por debaixo da rede.
- Non se pode bloquear, como facemos en Voleibol. Se colocas a raqueta diante, para impedir que o volante pase será outra falta.
- A raqueta non pode pasar sobre a rede para golpear o volante.
- Se xogades dous compañeiros, sé xeneroso, deixa que tamén golpee aqueles volantes que vaian altos e cara atrás, e cada poucos puntos cambiade a posición.
Aquí enlazamos outro vídeo co regulamento en acción. Clica sobre o enlace.
https://youtu.be/IaQRWYZQcF0
* O nome dos golpes en bádminton.
En bádminton temos estes golpes típicos. Imos explicalos un pouco, anque nós traballamos doutro xeito, falando de golpes fortes, frouxos, longos, freando ou non a raqueta, variando así o alcance do volante.
1. Saques: curto e longo.
Pode ser longo ou curto. Normalmente o longo é un saque en que a raqueta vai moverse de atrás a adiante e de abaixo a arriba, case como o saque de seguridade en voleibol. O saque longo faise cun golpe de dereita. Normalmente faise desde o fondo da pista, detrás da última liña.
O saque curto faise desde a liña central paralela á rede e soe ser un golpe de revés. Faise desde preto da rede porque non soe acadar tanta forza como o longo.
2. O Clear.
É o golpe máis longo que podemos dar. Se o volante vén moi alto e forte, tanto que nos temos que ir colocar ao fondo da pista, imos ter que facer tamén un golpe longo e forte. O volante terás que golpealo o máis alto posible.
3. Drop.
Drop en inglé significa gota, polo tanto ese é o obxectivo. Facer un golpe como o Clear, pero facendo que o volante caia cerca da rede no campo contrario. É un golpe para enganar ao outro. Neste caso a raqueta ten menos percorrido ca no clear. Queda máis vertical, é dicir moverás menos o pulso cara adiante.
4. A deixada.
A deixada é complexa de facer. Tés que ter un bo dominio da raqueta e os pés, para non teres que pensar nos movementos. Aquí concentrámonos en deixar a pluma morta na rede, colocando a raqueta case vertical, para que caia na zona máis adiantadas e cercana á rede do contrario. Como ben sabes, tés que estar pretiño da rede, á hora de executar este golpe.
5.O Lob.
Imaxina que o teu contrincante está preto da rede e ti tamén. Nese momento tócache golpear e vés que a parte de atrás do outro campo está desprotexida. Entón fas un golpe cara ese lugar. Normalmente a traxectoria é de abaixo (parte inferior do corpo ou media. Lembra que dividimos o corpo en tres partes) a arriba.
6. O remate.
Seguimos cerca da rede. Temos un volante alto e queremos tirar en picado cara abaixo á máxima velocidade posible. Podes facelo incluso saltando. A velocidade do volante é enorme.
7. O Drive.
Agora estamos centrados no noso campo. Este golpe, ao contrario que o Clear, non leva traxectoria en globo ou curva. Agora golpeo forte de modo que o volante vaia recto e forte cara a parte media do outo campo tamén.
Non te preocupes en aprender os nomes. Xoga, logo xa os identificarás.
Os vídeo explicativo que vas ter a continuación axudarache a entender todos os golpes.
https://youtu.be/_5aPOb41glo
É o golpe máis longo que podemos dar. Se o volante vén moi alto e forte, tanto que nos temos que ir colocar ao fondo da pista, imos ter que facer tamén un golpe longo e forte. O volante terás que golpealo o máis alto posible.
3. Drop.
Drop en inglé significa gota, polo tanto ese é o obxectivo. Facer un golpe como o Clear, pero facendo que o volante caia cerca da rede no campo contrario. É un golpe para enganar ao outro. Neste caso a raqueta ten menos percorrido ca no clear. Queda máis vertical, é dicir moverás menos o pulso cara adiante.
4. A deixada.
A deixada é complexa de facer. Tés que ter un bo dominio da raqueta e os pés, para non teres que pensar nos movementos. Aquí concentrámonos en deixar a pluma morta na rede, colocando a raqueta case vertical, para que caia na zona máis adiantadas e cercana á rede do contrario. Como ben sabes, tés que estar pretiño da rede, á hora de executar este golpe.
5.O Lob.
Imaxina que o teu contrincante está preto da rede e ti tamén. Nese momento tócache golpear e vés que a parte de atrás do outro campo está desprotexida. Entón fas un golpe cara ese lugar. Normalmente a traxectoria é de abaixo (parte inferior do corpo ou media. Lembra que dividimos o corpo en tres partes) a arriba.
6. O remate.
Seguimos cerca da rede. Temos un volante alto e queremos tirar en picado cara abaixo á máxima velocidade posible. Podes facelo incluso saltando. A velocidade do volante é enorme.
7. O Drive.
Agora estamos centrados no noso campo. Este golpe, ao contrario que o Clear, non leva traxectoria en globo ou curva. Agora golpeo forte de modo que o volante vaia recto e forte cara a parte media do outo campo tamén.
Non te preocupes en aprender os nomes. Xoga, logo xa os identificarás.
Os vídeo explicativo que vas ter a continuación axudarache a entender todos os golpes.
https://youtu.be/_5aPOb41glo
This work is licensed under a Creative Commons Attribution-NonCommercial-NoDerivatives 4.0 International License.
Ningún comentario:
Publicar un comentario